أخر الاخبار

شباكية اقتصادية بطريقة سهلة ومبسطة

 شباكية اقتصادية بطريقة سهلة ومبسطة :

 مع جميع أسرار نجاحها وطريقة الاحتفاض بيها لمده طويله دون ان تنشف اتوجف من العسل فهي لا تحتاج الى مقادير كثيره بل تحتاج الى الدلك طلق العجين عقيق جدا. 

شباكيةسهلة ومبسطة:

المقادير:

500 غرام دقيق أبيض نوعية جيدة. 

- رشة ملح. 

-نصف كأس زنجلان(غير نسخنوه باش يتطحن لينا) مطحون جيدا. 

-ملعقة صغيرة نافع مطحون جيدا .

-ملعقة صغيرة قرفة مطحونة جيدا. 

-3 ملاعق كبيرة زبدة مذابة (يستحسن استعمال زبدة حيوانية نوعية جيدة) .

-3 ملاعق كبيرة زيت زيتون. 

-ملعقة كبيرة خل. 

-أصفر  بيضة صغيرة الحجم.

-نصف ملعقة خميرة فورية. 

-نصف ملعقة خميرة كيماوية. 

-نصف كأس ماء زهر. 

-كأس ألا ربع ماء (كمية الماء كتبقى على حسب الدقيق) 

- القليل من زعفران شعرة. 

-القليل من المسكة الحرة. 

طريقة التحضير :

 نضع الدقيق في إناء العمل(القصرية)بعد ما نغربلوه طبعا. نجوفو وسط الدقيق ،نضع رشة ملح، نضيفو الزنجلان اللي طحناه جيدا ونغربلوه قبل منضيفوه على الدقيق، نضيفو النافع ونغربلوه في مصفاة رقيقة أيضا، نضيفو القرفة ونغربلوها ايضا، نضيفو الزبدة والزيت وأصفر بيضة، نصف ملعقة صغيرة خميرة فورية،نصف ملعقة صغيرة خميرة كيماوية.نمزجو هاد العناصر مع بعض جيدا، نضيفو ملعقة كبيرة خل، نصف كأس ديال ماء الزهر وشوية دالمسكة الحرة ندقوها مع شوية ديال الدقيق ونكملو بنصف كأس ديال الماء اللي نكونو وضعنا فيه من قبل شوية دالزعفران شعرة اذا كان متوفر.

نعجنو العجين اللي خاصو يبقى قاصح شوية، ندلكوه جيدا من خمسة حتى لعشرة دقائق. نغطيو العجين ببلاستيك غذائي ونخليوه يرتاح شوية. 

من بعد نقطعو العجين الى قطع متساوية، نشكلوهوم على شكل كويرات، ونخليوهوم يرتاحو شوية. 

من بعد كنبسطو العجين الى سمك اللي يكون رقيق ونقطعو بالجرارة مربعات متساوية ونشكلو شباكية بالطريقة ديال التشباك اللي معتمدة عندكوم. من نكملو الشباكية بالتشباك

 نوضعو الزيت في مقلاة حتى تسخن ونقصو ليها نقليو الشباكية ومباشرة نوضعوها فالعسل. في الاخير نوضعوها فعلبة نستفو طبقة ونرشو الزنجلان ونستفو طبقة اخري ونرشو عليها الزنجلان حتى نهيو الكمية كاملة. نغطيوها جيدا ببلاستيك غذائي، نغلقو العلبة ونوضعوها في الثلاجة او في المجمد اذا كانت الكمية كثيرة. 

شي مرات كتبقالنا الشباكية بلا قلي كنكونوا عيينا او تقادات لينا العسل او او...... كنستفوها فسينية ،ندخلوها للمجمد حتى تجمد نخرجوها ونوضعوها فعلبة اللي نكونو غلفناها ببلاستيك غذائي نجمعوا فيها الشباكية ونسدوها جيدا باش ميدخلش ليها الهواء ديال المجمد ومن نبغيو نقليوها غير نجبدوها ونخليوها تتطلق عاد نقليوها عادي بحال يلاه حضرناها.

خاتمة :

كنتمنى كولشي يكون واضح. للمزيد  مشاهده فيديو على الانترنت يوتيوب. بالصحة والراحة ورمضان كريم للجميع


تعليقات



حجم الخط
+
16
-
تباعد السطور
+
2
-