أخر الاخبار

طريقة كيك بنكهة المانجا والطعم راائع لمحبي المانجا

طريقة كيك بنكهة المانجا والطعم راائع لمحبي المانجا: 

 المقادير

4 حبات بيض

كوب سكر

ملعقه كبيره فانيلا

ملعقة خل

كوب الا ربع زيت نباتي

4 ملاعق حليب بودره

2 كوب طحين

ملعقه كبيره بكنج باودر

رشة ملح

كوب عصير مانجا

كوب الا ربع ماء.


طريقة التحضير:

اولا بقشر المانجا وبضعها بالخلاط 

طبعا راح يصير عندي عصير بعد طحنها بس ثقيييل بناخذ من العصير كوب للكيكه 

اما يلي ضل من عصير المانجا وضعته في علب ودخلته الفريزر لمدة ساعتين تقريبا وبطلع كثير زاكي ..بصير قوامه بين عصير السلش والبوظه

ببرد ومنعش بالجو الحامي ( عصرت حبتين منجا وعملولي كميه ممتازه )

 بشغل الفرن عالدرجه حراره 180 قبل ما ابلش بالكيكه

وبدهن قالب الكيك بزيت ورشة طحين وبضعه جانبا

 بضع البيض (بحرارة المطبخ )والفانيلا والخل والسكر وبخفقهم مزبوط( يفضل عالخلاط الكهربا ) لحتى يذوب السكر ويفتح لون الخليط

ثم بضع عليهم كوب الا ربع زيت نباتي وبخفقه معهم ( ممكن اضافة كوب ونصف سكر حسب ما بتحبو حلاوة الكيكه بس بدكم تحسبو حساب انه عصير المانجا حلوو )

وبضيف الحليب البودره مع جزء من كمية الطحين

وكوب العصير وبخلطهم سوا ومن ثم بضيف كمية الطحين المتبقيه مع رشة ملح والبكنج باودر والماء وبخلطهم مزبوط لحتى يختفي عندي الطحين

( الطحين منخول ) لما ابلش اضيف الطحين ببلش بالتحريك بالمضرب اليدوي افضل

 بضع الخليط بقالب الكيك وبدخله الفرن يلي محمى مسبقا طبعا عالرف الوسط لمدة 35-40 دقيقه عالدرجة حرارة 180


ملاحظه 

الافضل انه اول ما نخلص خليط الكيك ندخله الفرن مباشره عشان مفعول البكنج باودر ما يروح

وما نحرك الخليط كثير بعد اضافة الطحين مجرد ما يختفي الطحين بنوقف تحريك

 بعد مرور الوقت بختبر استواءه.وبطفي النار وبتركه بالفرن لمدة عشر دقائق لحتى يهدا وبترك شوي من باب الفرن فاتح وبعدين بطلعه وبعد خمس دقائق بقلبه ويقدم مع مشروبك المفضل وصحه وعافيه.


تعليقات



حجم الخط
+
16
-
تباعد السطور
+
2
-