أخر الاخبار

الدجاج المقلي الأصلي KFS بطعم وطراوة ولا أروع

 الدجاج المقلي الأصلي KFS بطعم وطراوة ولا أروع 

المقادير

كيلو دجاج 

للتتبيلة نحتاج

نصف كوب حليب

ثلثين كوب لبن

البهارات عبارة عن

ربع ملعقة كبيرة فلفل أبيض

ربع ملعقة كبيرة هيل مطحون

ربع ملعقة كبيرة بصل بودرة

ربع ملعقة كبيرة توم بودرة

نص ملعقة كبيرة بابريكا مجروشة

نص ملعقة كبيرة بابريكا مطحونة

حوالي ملعقة ملح دوقو التتبيلة المفروض يكون ملحها واضح شوي

ملعقة كبيرة شطة

أما بالنسبة لخليط الطحين منحتاج:

كوب طحين

نفس البهارات بنفس الكمية اللي استخدمناهم بتتبيلة الدجاج ماعدا الملح يكون أقل شوي

نصف ملعقة كبيرة أوريغانو

ظرف بيكينغ باودر

لهون بتطلع ممتازة بس لو بتحبوه مقرمش وكرانشي أكتر بإمكانهم تضيفو مع الطحين:

شيبس مكسر ناعم

أو ملعقتين بكصمات

طريقة التحضير:

 نخلط مكونات التتبيلة ونحط فيها الجاج ونخلط لنضمن انو التتبيلة اجت على كل القطع وننقعهم فيها ويفضل ليلة كاملة بيطلع الجاج بياخد العقل وطري ومستوي

بعد النقع نصفيهم من التتبيلة الزايدة ونضيف الشطة نخلطهم ونتركهم ساعة

بهالأثناء لبين ماينتقعو نجهز خليط الطحين ونخلط كل شي سوا

أسهل وأسرع طريقة لتغليف الجاج بالطبقة الخارجية انو نحط الطحين بعلبة كبيرة أو كيس ونحط قسم من الجاج ونغطي العلبة أو نسكر الكيس ونخض الجاج مع الطحين ليتغلف منيح ونرجع نكبس الطحين عليه بإيدينا وهيك صار جاهز للقلي

لازم نحمي الزيت تمام وبس ننزل قطع الجاج نخليه عالي دقيقتين ونوطي النار لحتى يتشقر ويستوي بياخد حوالي 15دقايق فيكم تطالعو قطعة تشوفوها اذا استوت.

بسكوت الزبده الدنماركي بطريقه روعة :

المقادير

صفار بيضتين مسلوقات وباردات منيح

كوبين طحين ابيض تقريبا ممكن تحتاج اكثر شوي حسب نوع الطحين

معلقه صغيره خل

معلقتين صغار فانيلا

معلقه صغيره عصير ليمون

200 غرام زبده طريه

كوب سكر ناعم

رشه ملح

سكر خشن ابيض او بني للتغليف من الخارج

طريقة التحضير:

بالبدايه بنضع صفار البيض المسلوق بصفايه صغيره وبنمرقو منها بوعاء العجن محضره الطعام او العجانه وبعد هيك بنضيف باقي المقادير السكر والزبده الطريه والخل والفانيلا وعصير الليمون ورشه الملح ما عدا السكر الخشن وبنخلط جميع المقادير لما تمتزج مع بعضها منيح بنلمها على بعض بإيدنا وبنريح العجينه ربع ساعه بالثلاجه وبعد هيك بنرق العجينه بين ورقه زبده وبنقطعها بقطاعات حسب الطلب وبنضع قطع العجينه بالسكر الخشن لما تتغلف منيح بنصفها بصينيه الفرن وبس نخلص كل الكميه بنخبزها بفرن محمى مسبقا على نار هاديه تقريبا 180 درجه لمده 12دقيقه تقريبا لما لونهم من تحت يسير ذهبي بنطلعهم من الفرن وبنتركهم يبردو منيح وبعد هيك بنقدمهم والف صحه وهنا ملاحظة  بتقدرو تستبدلو صفار البيض المسلوق بصفار بيض ني بس بصراحه انا عملت الطريقتين والطريقه الاطيب والهشه اكثر بصفار البيض المسلوق بتمنى تجربوها.


تعليقات



حجم الخط
+
16
-
تباعد السطور
+
2
-