أخر الاخبار

دجاج بطريقة طياب الأعراس كايجي بنين بزاف

 دجاج بطريقة طياب الأعراس كايجي  بنين بزاف

المقادير :

3دجاجات (الكمية حسب عدد الأشخاص)

التوابل

السمن

القزبور والمعدنوس

الحامض مصير

ونتوما بداو غير بدجاجة وحدة


طريقة التحضير:

نغسلو الدجاج بالملح و الخل و سكين جبير و نخلوه إيبات في الترقيدة ديالو حتى للصباح و نغسلوه مزيان و نحطوه يتسقطر

الشرمولة:

نحتاجوليها 3 معالق كبار سكين جبير

3 معالق خرقوم بلدي

ملعقة صغيرة مخلطة بسيبيسة و قعقلة مطحونين

2معالق كبار سمن

ملعقة كبيرة إبزار

ملعقة صغيرة قرفة

ثوم مدقوق أنا كندير 3 فصوص للدجاجة

قزبور و معدنوس

نصف حامضة مصيرة مقطعة رقيق

شوية من ملون آصطناعي

الملح غير شوية

تنخلطو جميع المكونات مع كأس كبير من الماء

ثم كنبداو نرقدو الدجاج في الشرمولة و حنا كندخلوها مزيان و نحكوها ما بين اللحم و الجلدة و أيضا وسط الدجاجة ثم كنربطو ليهم رجليهم

كنرقدو الدجاج ساعة ثم نزيدو عليه كأس ماء و نحطوه إيطيب على نار مهيلة

حتى يغلى مزيان ثم نضيفو 4 بصلات مشلظين رقاق و كأس زيت مخلط رومي و

بلدية و نقلبو الدجاج على كرشو و نخلوه يطيب على نار مهيلة

منين يطيب الدجاج نجهدو العافية باش يتنقص المرق ثم نحيدو الدجاج من المرق و نحطوه في لاطة و ندهنوه بالسمن او الزبدة و ندخلوه للفرن يتحمر

كنسلقو الزيتون ونصفوه و نزيدو عليه مغرفة من المرق و نخلوه يشرب ليقامة مزيان

كنشحرو المرقة ليبقات على نار متوسطة مع التحراك حتي تولي عاقدة,في الأخير كنحطو الدجاج في طبق التقديم و نخويو شوية المرق و نزينو بالزيتون و كل واحد كيزين حسب الذوق ديالوو بالصحة والراحة.

كيكة بالتفاح كجي هشيشة ومداق القرفة ياسلام 

مقادير 

3 بيضات

1 كاس سكر

1 كاس زيت

نصف كأس حليب

2 ملاعق ياغورت

معلقة فاني

2 اكواب طحين مع واحد خميرة كيماوية 16 غ (ملاحطة انا كنستعمل كاس عنبة).

طريقة التحضير:

نخد اناء ونطرب البيض والسكر حتي يصبح كريمي نضيف الفاني

ونضيف الزيت والحليب والياغورت ونطرب الكل ونضيف تدريجي الطحين مع الخميرة ونخلط الكل مزيان

نخد مول ندهنو بالزبدة ونضيف شرايح االلوز نضيف نصف خليط نخد 2 ثفاحات مبشورين ونضيف ليهم 1 ملاعق كبيرة من القرفة ونضيف فوق الخليط ونضيف الخليط التاني فوق وندخلو الفرن على حرارة 180 درجة حتي تطيب ونخليها تبرد ونزينها بالشكولاة بالصحة والراحة.

تعليقات



حجم الخط
+
16
-
تباعد السطور
+
2
-